بالفيديو- موقف جريء للنائب زياد أسود عن سلاح حزب الله… بدكن تقاوموا بدكن تدفعوا التمن!

تضج مواقع التواصل الإجتماعي بمقطع فيديو مقتطف من حوار تلفزيوني عبر قناة الـOTV، نشرته الإعلامية جوزفين ديب، والتي كانت تجري فيه مقابلة مع النائب زياد اسود.

وعنونت ديب الفيديو قائلة:" هذا هو الاشتباك الحقيقي في البلد. بالوقت يلي الصالونات السياسية تضج بهذا الحديث وهذا المصير المرسوم للبلد، هذه أول مرة ينطق به مسؤول علناً وبهذه الصراحة والجرأة".

ويقول النائب زياد أسود خلال الحوار، غامزاً من قناة سلاح حزب الله: "مش رح فينا نضل حاملين بارودة والشعب جوعان". أي "بدنا ننقّي" بين الاحتمالين، ويضيف: "بدك تحمل بارودة بدو يكون شعبك مرتاح وملاقى شغل وما حدا عم يلعب فيه".

وعندما تسأله ديب "يعني بدنا ننزّل البارودة تا نبطل جوعانين؟"، يردّ أسود :"هيدا قرار الأميركان". فتعلق ديب: "هيك رح يصير؟"، ليرد أسود: "عالأرجح هيك"، أو "إنو دبرو راسكن"، أي أن الأزمة في لبنان ستشتد.

وينتقد النائب في تكتل لبنان القوي، النهج السياسي الذي انتُهج لسنوات في البلاد، فنحن "لم نحصن أنفسنا داخلياً، وتركنا الفساد في البلد، وتركنا الدولة تنهار، وقسّمنا الشعب عامودياً، وقتلنا التضامن الوطني".

ويرى أسود أنه "عند الانتهاء من قصة الفلسطينيين، سيأتي دور حزب الله". ويضيف: "شو بدكن تعملو، بدكن تقاوموا بتدفعوا هيدا التمن للي عم نعيشو وأكتر".

لكن أكثر ما قاله أسود صراحة وجرأة، كان إقراره أنه "إذا ما في تضامن وطني والتفاف حول المقاومة، واقتناع بإنو بالمقاومة والفساد ما ح يمشوا سوا، وبدنا نلاقي حل… بدّن يلاقوا كتير ناس عم تتفكفك حواليهن". ويتابع:"هيدا الخطر الأساسي عليهن(أي على حزب الله)، بإنو يصير الداخل رافضن".

(شارك هذا المقال)

اترك تعليقاً

لن يتم نشر عنوان بريدك الإلكتروني.